GURU

Guru txakurtxo bat da. Ile luzea eta leuna du elurraren kolorekoa. Beno, askotan ez da hain zuria... esaterako,euria egiten duenean eta bustitzen denean,nahiko marroia ikusten da. Orduan,lurra garbitzeko "fregona" baten antza hartzen du.

Beste batzuetan, aldiz, gabonetako zuhaitzaren itxura hartzen du: era guztietako ostoak lorategietatik itsasten zaizkio gorputzean, baina batez ere hanketan eta belarrietan. Hori gertatzen denean ez du ibiltzen jarraitu nahi.

Guruk urtebete t'erdi adina du eta 4 kiloko pisua.Berak ez dakien arren, nahiko txikia da.

Sudurra beltza, begi zorrotzak eta borobilak mahats beltz ale baten tamainakoak, hanka motzak eta buztana iletsua sorbaldaren gainean graziozki jarrita nabarmentzen dira.

Oso atsegina da jendearekin eta gainontzeko txakurrekin. Beti agurtu behar du bakoitza behar den moduan. Agurtzea eta jolastea dira gehien gustatzen zaizkion gauzak. Horretaz gain jatea ere badu gogoko, batez ere bere gailetak.

Ordu asko lo egiten du egunero. Ikusgarria da hankaz gora eta zurrunka egiten duenean!

Agindutakoa betetzen du ia beti, saria irabazteko aukera ez duelako galdu nahi, pentsatzen dut nik. Baina txakurtxo eme bat ikusten ba du errepidearen beste aldean ez da batere fidagarria, oso "emakumezalea" atera zaigu eta...

Guru orain niri begira nago, ea bukatzen duzun hori eta jaramonik egiten didazun esanez bezala.

Beraz, amaitutzat emango dut sarrera hau eta jolastera joango gara oraintxe bertan.